Рейтингтер мен мүшелік

qs

Мұхамеджан Тынышпаев атындағы ALT Университеті QS World University Rankings: Asia 2026 рейтингіне енді

Мұхамеджан Тынышпаев атындағы ALT Университеті алғаш рет беделді халықаралық QS World University Rankings: Asia 2026 рейтингіне кіріп, Азия елдері арасында 1001–1100 орнын және Орталық Азия университеттері арасында 59-шы орынды иеленді.

QS рейтингі университеттерді академиялық және жұмыс берушілер алдындағы беделі, ғылыми мақалалардың дәйектілігі, интернационализация деңгейі, академиялық мобильдік және ғылыми байланыстарды дамыту сияқты негізгі көрсеткіштер бойынша бағалайды.

ALT Университетінің осы рейтингке енуі оның білім сапасы, ғылыми-зерттеу қызметі және халықаралық ынтымақтастық саласындағы жетістіктерінің маңызды мойындалуы болып табылады. Университет тұрақты даму стратегиясын жүйелі түрде жүзеге асырады, шетелдік университеттермен серіктестіктерді нығайтады, сондай-ақ көлік технологиялары, логистика және цифрлық шешімдер саласындағы инновациялық бағыттарды дамытады.

Мұхамеджан Тынышпаев атындағы ALT Университетінің жетістігі Қазақстандағы қарқынды дамып келе жатқан университеттердің бір ретінде мәртебесін айқындап, халықаралық білім беру аренадағы позицияларын одан әрі нығайтуға жаңа мүмкіндіктер ашады.

ALT University UI GreenMetric 2026 рейтингінде қазақстандық жоғары оқу орындарының үздік 35%-ының қатарына енді

2026 жылғы 23 қыркүйекте Бакуде UI GreenMetric Sustainable University Rankings 2026 Results and Awards Ceremony халықаралық марапаттау рәсімі аясында орнықты даму саласындағы университеттердің жаһандық рейтингінің нәтижелері жарияланды.

Рейтинг қорытындысы бойынша Мұхамеджан Тынышпаев атындағы ALT Университеті төмендегідей орындарға ие болды:

  • Әлем бойынша 983-орын;

  • Азия университеттері арасында 585-орын;

  • Қазақстан университеттері арасында 14-орын.

2026 жылы рейтингке әлемнің 110 елінен 2 016 университет, соның ішінде Қазақстанның 41 жоғары оқу орны қатысты. Осылайша, ALT University отандық 27 жоғары оқу орнын басып озып, әлемдік рейтингтің жоғарғы бөлігіне және қазақстандық университеттердің үздік 35%-ының қатарына кірді.

UI GreenMetric университеттердің қызметін жеті негізгі бағыт бойынша бағалайды: инфрақұрылым және кампус аумағы, энергетика және климаттың өзгеруі, қалдықтарды басқару, су ресурстары, экологиялық көлік, білім және ғылыми зерттеулер, сондай-ақ басқару және цифрландыру.

ALT University ең жоғары нәтижелерді келесі бағыттар бойынша көрсетті:

  • Білім және ғылыми зерттеулер — 1 300 ұпайдан 1 000 ұпай;

  • Экологиялық көлік — 1 700 ұпайдан 1 100 ұпай;

  • Басқару және цифрландыру — 1 100 ұпайдан 722,5 ұпай.

UI GreenMetric рейтингіне қатысу университетке орнықты даму саласында іске асырылатын бастамалардың тиімділігін бағалауға, өз көрсеткіштерін әлемнің жетекші университеттерінің нәтижелерімен салыстыруға және одан әрі дамудың басым бағыттарын айқындауға мүмкіндік береді.

Алынған нәтиже ALT University-дің білім беру, ғылыми және басқарушылық қызметке орнықты даму қағидаттарын енгізу бойынша жүйелі жұмысын растайды, сондай-ақ халықаралық рейтингтерде университет позициясын одан әрі нығайтуға негіз қалайды.

ALT University ұжымын лайықты нәтижесімен құттықтаймыз! Жеткен позициялар профессор-оқытушылар құрамының, қызметкерлер мен білім алушылардың бірлескен әрі үйлесімді жұмысының нәтижесі болды. Орнықты дамуға, экологиялық мәдениетке және университетіміздің халықаралық танымалдылығын арттыруға үлес қосатын барша жанға алғыс айтамыз. Одан әрі табыс, жаңа бастамалар және халықаралық рейтингтерде бұдан да жоғары белестер тілейміз!

21.04. — 23.04.2026 ж. ALT Университетінің 25 білім беру бағдарламасы халықаралық бағдарламалық аккредиттеуден сәтті өтті.

Аккредиттеу органы: Орталық Азия білім жүйесін аккредиттеу қауымдастығы (САААЕ).

САААЕ Аккредиттеу Кеңесі отырысының қорытындысы бойынша: «5 жыл мерзімге 17 білім беру бағдарламасы және 3 жыл мерзімге 8 білім беру бағдарламасы аккредиттелсін».

АLT Университетінің ұжымын білім беру бағдарламаларын табысты халықаралық аккредиттеуімен құттықтаймыз!
Жаңа табыстар мен жетістіктер тілейміз!

01.12. – 02.12.2025 ж. ALT Университетінің 22 білім беру бағдарламасы халықаралық бағдарламалық аккредиттеуден сәтті өтті.
Аккредиттеу ұйымы: Білім сапасын қамтамасыз ету жөніндегі тәуелсіз агенттігі (IQAA).
IQAA Аккредитациялық кеңесі отырысының нәтижесі бойынша қабылданған шешім:
10 бакалавриат және 12 магистратура бағдарламалары 5 жыл мерзімге аккредиттелсін.

ALT Университеті ұжымын білім беру бағдарламаларының халықаралық аккредитациясымен құттықтаймыз!
Жаңа жетістіктер мен табыстар тілейміз!

Мұхаметжан Тынышбаев атындағы ALT Университеті ақпараттық қауіпсіздік саласындағы позицияларын нығайтуда!

2025 жылғы 19 мамырдағы ҚР Ғылым және жоғары білім министрлігінің Ғылым және жоғары білім саласындағы сапаны қамтамасыз ету комитеті төрағасының №740 бұйрығына сәйкес, кадрлар даярлаудың маңызды бағыты – 6В063 «Ақпараттық қауіпсіздік» бойынша білім беру қызметін жүзеге асыруға KZ88LAM00001234 лицензиясына қосымша берілді. Осы негізде 6В06328 – «Ақпараттық қауіпсіздік жүйелері» білім беру бағдарламасы әзірленді.

Университет ұжымын осы маңызды жетістікпен шын жүректен құттықтаймыз!
Бұл – алдағы инновациялық серпілістерге, білім беру бағдарламаларын жетілдіруге және заманауи әлем талаптарына жауап бере алатын жаңа кәсіби буынды даярлауға зор серпін болсын!

21.10. — 22.10.2024 ж. «ALT Университеті» халықаралық бағдарламалық (мамандандырылған) аккредиттеуден өтті.

Аккредиттеу органы: Білім берудегі сапаны қамтамасыз ету жөніндегі тәуелсіз агенттік (IQAA).

Білім берудегі сапаны қамтамасыз ету жөніндегі тәуелсіз агенттіктің (IQAA) Аккредиттеу Кеңесі отырысының қорытындысы бойынша шешім шығарылды:

Докторантураның білім беру бағдарламаларын 5 жыл мерзімге аккредиттеу:

  • 8D07158 Автоматтандыру және басқару
  • 8D07160 Электр энергетикасы

«Мұхамеджан Тынышпаев атындағы АLT Университеті» АҚ ұжымын табысты халықаралық бағдарламалық (мамандандырылған) аккредиттеуімен құттықтаймыз!
Жаңа табыстар мен жетістіктер тілейміз!